මහත් ආන්දෝලනයට තුඩු දුන් එයාර් බස් (Airbus) ගනුදෙනු නඩුවේ තෙවන සැකකරු ලෙස නම් කර ඇති ශමීන්ද්ර රාජපක්ෂ මහතා අත්අඩංගුවට ගෙන අධිකරණයට ඉදිරිපත් කරන ලෙස කොළඹ කොටුව මහේස්ත්රාත් අධිකරණය අද (02) නියෝග කළේය. හිටපු අමාත්ය චමල් රාජපක්ෂ මහතාගේ බාල පුත්රයා වන ශමීන්ද්ර රාජපක්ෂ මහතා මේ වන විට ඇමරිකා එක්සත් ජනපදයේ රැඳී සිටින බව වාර්තා වේ.
ශ්රී ලංකන් ගුවන් සමාගම සඳහා එයාර් බස් යානා මිලදී ගැනීමේදී සිදුවූ බව කියන මූල්ය අක්රමිකතා සහ දූෂණ චෝදනා සම්බන්ධයෙන් මෙම නඩුව විභාග වෙමින් පවතී. සැකකරු විදේශගතව සිටීම හේතුවෙන් විමර්ශන කටයුතුවලට සිදුවන බාධා සැලකිල්ලට ගනිමින්, ඔහුව අත්අඩංගුවට ගෙන අධිකරණය හමුවට ඉදිරිපත් කිරීමට අවශ්ය පියවර ගන්නා ලෙස මහේස්ත්රාත් අධිකරණය බලධාරීන්ට නියම කරන ලදී.
මෙම පුවත පිළිබඳ ඔබේ අදහස් ශිෂ්ඨ සම්පන්න ලෙස මෙහි ඇතුළත් කරන්න. වෙළඳ දැන්වීම් හෝ ලින්ක් ඇතුළත් කිරීමෙන් වළකින්න. ඔබගේ අදහස් අනුමත වූ පසු අඩවියේ පළ කරනු ලැබේ.