බස්නාහිර පළාතේ පොදු ප්රවාහන සේවාව විධිමත් කිරීමේ අරමුණින් සෑම පෞද්ගලික බස් රථයකටම ජීපීඑස් (GPS) උපකරණයක් සවිකිරීමටත්, කළමනාකරණ තොරතුරු පද්ධතියක් (MIS) ස්ථාපිත කිරීමටත් බස්නාහිර පළාත් මාර්ගස්ථ මගී ප්රවාහන අධිකාරිය තීරණය කර තිබේ.
අධිකාරියේ සභාපති විශ්රාමික කොමදෝරු ගාමිණි ජයසිංහ මහතා සඳහන් කරන්නේ අගෝස්තු මාසය වන විට මෙම GPS උපකරණ සවිකර අවසන් කිරීමට සැලසුම් කර ඇති බවයි.
නව පද්ධතියේ සුවිශේෂීතා:
- වේලාව නිරීක්ෂණය: බස් රථ නියමිත වේලාවට බස් නැවතුම්පොළවලට පැමිණෙන්නේද යන්න මධ්යම පද්ධතිය හරහා නිරීක්ෂණය කෙරේ.
- සෙමින් ධාවනයට තිත: මගීන් රැගෙන යාම සඳහා බස් රථ හිතාමතාම සෙමින් ධාවනය කරන්නේ නම්, ඒ පිළිබඳ පණිවුඩය ස්වයංක්රීයව පද්ධතියට ලැබෙන පරිදි මෙය නිර්මාණය කර ඇත.
- MIS පද්ධතිය: අධිකාරියේ සියලු කටයුතු වඩාත් කාර්යක්ෂමව මෙහෙයවීම සඳහා නව කළමනාකරණ තොරතුරු පද්ධතියක් ස්ථාපිත කෙරේ.
මෙම පුවත පිළිබඳ ඔබේ අදහස් ශිෂ්ඨ සම්පන්න ලෙස මෙහි ඇතුළත් කරන්න. වෙළඳ දැන්වීම් හෝ ලින්ක් ඇතුළත් කිරීමෙන් වළකින්න. ඔබගේ අදහස් අනුමත වූ පසු අඩවියේ පළ කරනු ලැබේ.