පොලිස් දෙපාර්තමේන්තුව විසින් ඊයේ (20) දිනය පුරා දිවයින ආවරණය වන පරිදි ක්රියාත්මක කළ විශේෂ මෙහෙයුම්වලදී විවිධ වැරදි සම්බන්ධයෙන් සැකකරුවන් 652 දෙනෙකු අත්අඩංගුවට ගෙන තිබේ. මෙම මෙහෙයුමේදී පොලිසිය විසින් පුද්ගලයන් 30,214 දෙනෙකු පරීක්ෂාවට ලක් කර ඇති බව වාර්තා වේ.
අත්අඩංගුවට ගත් පිරිස අතර අපරාධ සම්බන්ධයෙන් සෘජුව හඳුනාගත් සැකකරුවන් 24 දෙනෙකු සිටින අතර, අධිකරණ මගින් නිකුත් කළ වරෙන්තු පවතින පුද්ගලයන් 264 දෙනෙකු සහ විවෘත වරෙන්තුකරුවන් 161 දෙනෙකු ද වන බව පොලිසිය සඳහන් කරයි.
මාර්ග ආරක්ෂාව තහවුරු කිරීමේ අරමුණින් සිදුකළ පරීක්ෂාවලදී බීමත් රියදුරන් 397 දෙනෙකු සහ අපරික්ෂාකාරී ලෙස රිය පැදවූ රියදුරන් 52 දෙනෙකු අත්අඩංගුවට ගෙන ඇත. මීට අමතරව, වෙනත් රථවාහන වැරදි සම්බන්ධයෙන් පුද්ගලයන් 4,777 දෙනෙකුට එරෙහිව නීතිමය පියවර ගෙන ඇති බව පොලිස් මූලස්ථානය නිවේදනය කරයි.
| විස්තරය | සංඛ්යාව |
| පරීක්ෂා කළ පුද්ගලයින් සංඛ්යාව | 30,214 |
| සැකපිට අත්අඩංගුවට ගත් පුද්ගලයින් සංඛ්යාව | 652 |
| අපරාධ සම්බන්ධයෙන් සෘජුව හඳුනාගත් පුද්ගලයින් | 24 |
| අත්අඩංගුවට ගත් දින වරෙන්තුකරුවන් | 264 |
| අත්අඩංගුවට ගත් විවෘත වරෙන්තුකරුවන් | 161 |
| බීමත් රියදුරන් අත්අඩංගුවට ගැනීම | 397 |
| අපරික්ෂාකාරී රිය පැදවීම් සම්බන්ධයෙන් අත්අඩංගුවට ගැනීම | 52 |
| රථවාහන වෙනත් වැරදි | 4,777 |
මෙම පුවත පිළිබඳ ඔබේ අදහස් ශිෂ්ඨ සම්පන්න ලෙස මෙහි ඇතුළත් කරන්න. වෙළඳ දැන්වීම් හෝ ලින්ක් ඇතුළත් කිරීමෙන් වළකින්න. ඔබගේ අදහස් අනුමත වූ පසු අඩවියේ පළ කරනු ලැබේ.