Lanka Lead News – ශ්‍රීලනිප ඉල්ලීම කුණු කුඩේට : ‘ගෝඨා පොහොට්ටුව ලකුණෙන් පමණයි’

0
14


September 11, 2019 9:53 pm | Lanka Lead News

කුමන හේතුවක් නිසා හෝ කුමන බලපෑමක් නිසා හෝ ඉදිරි ජනාධිපතිවරණයේ දී ශ්‍රී ලංකා පොදුජන පෙරමුණේ පොහොට්ටුව ලකුණ වෙනස් නොකරන බව පාර්ලිමේන්තු මන්ත්‍රී මහින්ද යාපා අබේවර්ධන පවසයි.

බැසිල්වාදීයකු වන ඔහු එම කාරණය අවධාරණය කර සිටියේ, ඊයේ (10දා) කොළඹදී පැවැති මාධ්‍ය හමුවකදීය.

“කුමන හේතුවක් නිසාවත් පොහොට්ටුවේ ලකුණ වෙනස් කරන්න අපි කැමැති වෙන්නේ නැහැ. පොහොට්ටුව කියලා කියන්නේ මේ රටේ ජනතාව ජයග්‍රහණය කරවන සලකුණක්. ඒ නිසා මොන විදිහේ බලපෑම් ආවත් මොනවිදිහේ තත්ත්වයන් උදා වුණත් පොහොට්ටුව ලකුණ වෙනස් කරන්න අපි ඉඩ දෙන්නේ නැහැ.” යයි ඔහු එහිදී අවධාරණය කළේය.

මහින්ද යාපා අබේවර්ධන එබව සඳහන් කර කළේ ශ්‍රීලනිප මහ ලේකම් දයාසිරි ජයසේකර පසුගියදා කර තිබු ප්‍රකාශයකට ප්‍රතිචාර දක්වමිනි.

ශ්‍රී ලංකා නිදහස් පක්ෂය හා ශ්‍රී ලංකා පොදුජන පෙරමුණ එක්වන්නේ නම් පොදු ලකුණක් අනිවාර්යයෙන්ම තීරණය කළ යුතුබවත් එසේ නොවන්නේ නම් විකල්ප තීරණයක් ගැනීමට සිදුවන බවත් නිදහස් පක්ෂයේ මහ ලේකම් පාර්ලිමේන්තු මන්ත්‍රී දයාසිරි ජයසේකර අවධාරණය කරයි.

LEAVE A REPLY

Please enter your comment!
Please enter your name here