Lanka Lead News – රුපවාහිනිය පවර ගත් හේතුව දයාසිරි කියයි (Video)

0
6


September 11, 2019 7:39 pm | Lanka Lead News

ජනාධිපතිවරයා විසින් ශ්‍රී ලංකා ජාතික රුපවාහිනිය ආරක්ෂක අමාත්‍යංශය වෙත පවරා ගනු ලැබුවේ ජාතික රූපවාහිනියේ අනාගත පැවැත්ම වගේම අස්ථාවරත්වය නැති කිරීම සඳහා බව ශ්‍රී ලංකා නිදහස් පක්ෂයේ මහ ලේකම්, දයාසිරි ජයසේකර මන්ත්‍රීවරයා පවසයි.

ඊයේ (10) පැවති මාධ්‍ය හමුවකදී ඒ සම්බන්ධයෙන් කරුණු පැහැදිලි කිරීමක් කල මන්ත්‍රීවරයා මෙසේද සඳහන් කළේය.

”ජනාධිපතිවරයා වෙත පැවරී ඇති බලතල ප්‍රකාරව ශ්‍රී ලංකා රූපවාහිනී සංස්ථාව ආරක්ෂක අමාත්‍යංශය යටතට පවරාගෙන තිබෙනවා. ජනාධිපති මෛත්‍රීපාල සිරිසේන මැතිතුමා විසින් මීට අදාළ අති විශේෂ ගැසට් පත්‍රය ඊයේ නිකුත් කරනු ලැබුවා. ගැසට් පත්‍රය නිකුත් කර ඇත්තේ ආණ්ඩුක්‍රම ව්‍යවස්ථාවේ 43 (1) ව්‍යවස්ථාවට හා 46 (1) (ආ) වැනි ව්‍යවස්ථාවට අනුකූලවයි. මෙම පවරා ගැනීම පෙරේදා මධ්‍යම රාත්‍රියේ සිට බලපැවැත්වෙනවා.”

මේ අතර ජනමාධ්‍ය කැබිනට් නොවන රුවන් විජේවර්ධන මහතා මෙම පවරා ගැනීම සම්බන්ධ ට්විටර් නිවේදනයක් පෙරේදා රාත්‍රියේ නිකුත් කර තිබු අතර එහි මෙසේ සඳහන් විය.

”පාඩු ලබන ජාතික රූපවාහිනිය පවත්වාගෙන යාමට භාණ්ඩාරය මගින් ජනතාවගේ බදු මුදල් රුපියල් කෝටි හතරක් මාසිකව වැය කරයි.  මෙයට විසඳුමක් ලෙස මා විසින් සිදුකිරීමට යෙදුනු කළමණාකාර වෙනසට ජනපති විසින් දිගින් දිගටම බාදා කරන ලදී. මෙහි අවසන් ජවනිකාව වූයේ ජනපති අත්තනෝමතික ලෙස රූපවාහිනිය පවරා ගැනීමයි.”

මේ අතර කොළඹ ඊයේ පැවති මාධ්‍ය හමුවකදී ශ්‍රී ලංකා නිදහස් පක්ෂ මහලේකම් දයාසිරි ජයසේකර එම ට්විටර් පණිවිඩය හා රූපවාහිනිය පවරා ගැනීමට අදාළ කරුණු පැහැදිළි කරමින් මෙසේ සඳහන් කළේය.

ශ්‍රී ලංකා රූපවාහිනී සංස්ථාව ආරක්ෂක අමාත්‍යාංශය යටතට පවරා ගැනේ…#DAYASIRIJAYASEKARA #Dayasiri #SLFP

Gepostet von Dayasiri Jayasekara am Dienstag, 10. September 2019



LEAVE A REPLY

Please enter your comment!
Please enter your name here