Lanka Lead News – මේක තමයි අන්තිම මොහොත

0
16


August 14, 2019 9:40 pm | Lanka Lead News

ශ්‍රී ලංකා පොදුජන පෙරමුණේ ජනාධිපතිධූර අපේක්ෂක ගෝඨාභය රාජපක්ෂ මහතා අද(14) පෙරවරුවේ දළදා සමිඳුන් වැඳපුදාගෙන ආශිර්වාද ලබා ගත්තේය.

අනතුරුව ඒ මහතා මල්වතු සහ අස්ගිරි මහ නා හිමිවරුන්ද බැහැදුටු අතර උන්වහන්සේලාගේ ආශිර්වාදය ලබා ගත්තේය.

පස්වරුවේ ගැටඹේ රාජෝපවනාරාම විහාරස්ථානය වෙත පැමිණි ගෝඨාභය රාජපක්ෂ මහතා විහාරාධිපති පූජ්‍ය කැප්පෙටියාගොඩ සිරිවිමල නාහිමියන් බැහැ දැක සුහඳ පිළිසඳරක නිරත  විය.

මෙහිදී අදහස් දැක්වු ගැටඹේ රාජෝපවනාරාමාධිපති මෙසේ ද පැවසීය.

“පෙරේදා ඔබතුමා හොඳ කතාවක් කළා.ඒ කතාව ඒ විදිහටම ක්‍රියාත්මක වෙන්න ඕන.ඔබතුමා යමක් කිව්වොත් හරියට කරනවා කියලා කවුරුත් දන්නවා.ඒ නිසා ඔබතුමාගෙන් බලාපොරොත්තු වෙන්නෙ මේ විනාශ වේගෙන යන රට ගොඩගැනීම සඳහා අපිට උදවු කරන්න.

තමන්ගේ වටිනා ඡන්දය රට විනාශ කරන්න දෙන්න බැහැනෙ.ඒ නිසා ඡන්දය පාවිච්චි කරන්න කියලා සිංහල මිනිස්සුන්ට බොහොම ඕන කමින් ප්‍රකාශ කරනවා.මොකද මේ විනාශ වේගෙන යන රට ගොඩගන්න අපිට ශක්තිමත් පුද්ගලයෙක් ලැබිලා තියෙන නිසා.සරත් ෆොන්සේකා මහත්තයාට හොඳට තේරිලා තියෙනවා.ඔබතුමාගේ අගේ.

ඉතින් එහෙම කියන්න තරම් ශක්තියක් ඒ මහත්තයාට තියෙන්නෙ ඔබතුමා ගැන මනා අවබෝධයක් තියෙන නිසානෙ.මේක තමයි අන්තිම මොහොත.මේ මොහොත පැන්නොත් ඉවරයි රට,අපි සේරම.“

පසුව මැණික්හින්න හූරීකඩුව ශ්‍රී විද්‍යාසාගර පිරිවෙන් විහාරස්ථානය වෙත පැමිණි ගෝඨාභය රාජපක්ෂ මහතා රාමඤ්ඤ මහා නිකායේ මහානායක අතිපූජ්‍ය නාපානේ පේමසිරි නාහිමියන් ද බැහැදුටුවේය.



LEAVE A REPLY

Please enter your comment!
Please enter your name here