Lanka Lead News – කෙරවලපිටිය බලාගාර ඉදිකිරීම් චයිනා සමාගමට දීමෙන් රු. බිලියන 50ක පාඩුවක්

0
17


September 19, 2019 5:14 am | Lanka Lead News

කෙරවලපිටිය මෙගාවොට් තුන්සියය (300) LNG විදුලි බලාගාරයේ ඉදිකිරීම් ටෙන්ඩරය ලක්දනව් සමාගමට නොදී GCL චයිනා සමාගමට ලබාදීමෙන් රුපියල් බිලියන 50ක පාඩුවක් සිදුවන බව ප්‍රසම්පාදන අභියාචනා මණ්ඩලයේ සභාපති සෝමසිරි ගුණසේකර ජනාධිපති කොමිසම හමුවේ පැවසීය.

හිටපු නියෝජ්‍ය පොලිස්පති එම කොමිසමේ සාමාජික අමරසිංහ ඉදිරියේ ඊයේ (18 වැනිදා) ඔහු මේ බව පවසා සිටියේය.

වංචා දූෂණ පිළිබඳ සොයා බලන මෙම ජනාධිපති කොමිසම හමුවට ඉදිරිපත් වූ කෙරවලපිටිය LNG බලාගාරය ඉදිකිරීම් ටෙන්ඩර් අක්‍රමිකතා පිළිබඳ පැමිණිල්ල සම්බන්ධයෙන් ප්‍රසම්පාදන අභියාචනා මණ්ඩලයේ සභාපති සෝමසිරි ගුණසේකර ඊයේ (18 වැනිදා) කොමිසම හමුවෙ සාක්ෂි ලබාදුන්නේය.

මෙහිදී කොමිසම ඔහුගෙන් විමසා සිටියේ කෙරවලපිටිය LNG බලාගාරය ඉදිකිරීමේ ටෙන්ඩර් පටිපාටිය පිළිබඳ සලකා බැලීමට අභියාචනා ප්‍රසම්පාදන මණ්ඩලයට හැකියාවක් පවතීද යන්නයි.

එය පිළිබඳ කටයුතු කිරීම ප්‍රසම්පාදන අභියාචනා මණ්ඩලයට අදාළ කාරණාවක් නොවන බව එහි සභාපති සෝමසිරි ගුණසේකර කොමිසම හමුවේ පිළිගනු ලැබීය.

මෙම ටෙන්ඩරය ලක්දනව් සමාගමට ලබාදීමට සුදුසු බවට තාක්ෂණික ඇගයීම් කමිටුව නිර්දේශ කර තිබියදීත් තමාගේ දැනුමට අදාළ නොමැති විශේෂ තාක්ෂණික කරුණු මත ටෙන්ඩරය ලක්දනව් සමාගමට ලබානොදීමට තීරණය කළ බවද ඔහු කොමිසම හමුවේ කියා සිටියේය.

එසේම ප්‍රසම්පාදන අභියාචනා මණ්ඩලය මෙම කෙරවලපිය LNG ව්‍යාපෘතියේ වැට් සම්බන්ධයෙන් ලක්දනව් සමාගම ඉදිරිපත් කළ කරුණ සහ මතය වැරදි බවට තීරණය කරනු ලැබුවේ විදුලි බල අමාත්‍යාංශයේ ලේකම් සුරේන් බටගොඩ ලබා දුන් ලිපියක් සැලකිල්ලට ගැනීමෙන් බවද සභාපතිවරයා හෙළි කළේය.

විදුලි බලාගාර සම්බන්ධයෙන් සහ කොළොන්නාව තෙල් ගබඩාව සම්බන්ධයෙන් සිදුව ඇති වංචා දූෂණ පිළිබඳව සාක්ෂි ලබාදීමට විදුලි බල අමාත්‍යාංශ ලේකම් ආචාර්ය සුරේන් බටගොඩද ඊයේ (18 වැනිදා) ජනාධිපති කොමිසම හමුවට කැඳවන ලදී.

LEAVE A REPLY

Please enter your comment!
Please enter your name here